CHIZMACHILIK O'QITISH METODIKASI

"Chizmachilik o'qitish metodikasi" nomli o'quv qo'llanma oliy ta'lim muassalarining 60111200 Tasviriy san'at va muhandislik grafikasi bakalavriat ta'lim yo'nalishi o'quv rejasidagi chizmachilik fani o'quv dasturi asosida tayyorlangan bo'lib, ushbu qo'llanmadan o'qitishda zamonaviy pedagogik texnologiyalar bilan qiziqayotgan har bir mutaxassis foydalanishi mumkin. Qo'llanmada chizmalarni chizish va ularni turli usullar bilan o'qish hamda ularga didaktik yondashish, o'quvchilarning chizmachilikdan olayotgan bilim, ko'nikmalarini tekshirish, dars jarayonida ularning faolligini oshirish maqsadida o'qitishning zamonaviy pedagogik texnologiyalaridan foydalanish metodlari yoritilgan hamda har xil didaktik materiallarni tayyorlash bo'yicha tavsiyalar berilgan. Bundan tashqari o'quv qo'llanmadan Chizmachilik fani o'qitiladigan barcha oliy ta'lim muassasalari talabalari, shuningdek, umumta'lim maktabi o'quvchi hamda o'qituvchilari ham foydalanishlari mumkin.