MAXSUS PEDAGOGIKA ASOSLARI

O'zbekiston Respublikasining 2020-yil 23-sentabrdagi "Ta'lim to'g'risida"gi 637-son qonun, O'zbekiston Respublikasi Prezidentining 2020-yil 13-oktyabrdagi "Alohida ta'lim ehtiyojlar bo'lgan bolalarga ta'lim-tarbiya berish tizizmini yanada takomillashtirish chora-tadbirlari to'g'risida"gi PQ-4860-son qarori, O'zbekiston Respublikasi Vazirlar Mahkamasining 2021-yil 12-oktabrdagi "Alohida ta'lim ehtiyojlari bo'lgan bolalarga ta'lim berishga oid normativ-huquqiy hujjatlarni tasdiqlash to'g'risida"gi 638-son qarorilarida alohida ta'lim ehtiyojlari bo'lgan bolalarga nisbatan e'tibor yanada kuchaytirilgan bo'lib, ulardagi nuqsonlarni erta aniqlash hamda ta'lim-tarbiyasi uchun yetarli darajada shart- sharoitlar yaratish belgilab qo'yilgan. Ushbu o'quv qo'llanma maxsus pedagogika fanining umumiy masalalari, rivojlanishida nuqsoni bo'lgan bolalarning rivojlanish xususiyatlari, fan metodlari, rivojlanishida nuqsoni bo'lgan bolalarning psixologik-pedagogik tavsifi, rivojlanishdagi nuqsonlarning sabablari, rivojlanishda nuqsoni bo'lgan bolalarning ta'lim-tarbiyasi, milliy va xorijiy ilmiy tadqiqotlar, inklyuziv va klasterli ta'lim masalalari yoritilgan. Mazkur o'quv qo'llanma oliy ta'lim muassasalarining talabalari uchun mo'ljallangan.