"PEDAGOGIK MAHORAT" FANI O'QUV MASHG'ULOTLARINI O'TKAZISH USULLARINI TAKOMILLASHTIRISH MEXANIZMLARI

Bugungi kunda «Pedagogik mahorat» fanining nazariy va amaliy asoslari davr talablari, davlat ta'lim standartlari asosida takomillashtirilmoqda. Mazkur darslikda pedagogik mahorat fanining nazariy va metodologik asoslariga, mazmuni, tarkibiy qismlariga, ularning vazifalariga jiddiy e'tibor berilgan, shu bilan birga, pedagogik mahorat haqida tushuncha, uning o'qituvchi faoliyatida tutgan o'rni, o'qituvchining pedagogik va kommunikativ qobiliyati, muloqot madaniyati, ta'lim oluvchilar bilan muloqoti, pedagogik nazokat va odob-axloq. pedagogik texnika haqida tushuncha, o'qituvchining tarbiyachi sifatidagi mahorati, tarbiya texnologiyalari asosida faoliyat olib borishi, kompyuter texnologiyalaridan foydalanishi hamda o'qituvchi mehnatini ilmiy asosda tashkil etish kabilar yoritilgan. Darslik ta'lim muassasalarida pedagogik faoliyat olib borayotgan professor-o'qituvchilar, tarbiyachilar, pedagogik faoliyat yo'nalishida ta'lim olayotgan talaba va magistrantlarga mo'ljallangan.