Taekwondo nazariyasi va uslubiyati

Mazkur darslik 2 ta qism, 18 ta bobdan tashkil topgan. I qismda taekvondoning nazariy va uslubiy asoslari, taekvondo sportining rivojlanish tarixi, tasniflanishi, tizimlashtirilishi va atamashunosligi, mashg'ulotlarning tushilishi va ularni tashkil qilish shakllari, o'quv-sport ishlarini tashkil qilish, rejalashtirish va hisobga olish, sport taekvondosi bo'yicha musobaqalarni tashkil qilish va o'tkazish, taekvondo sportini o'rgatish uslubiyati, o'smirlar bilan ishlashning o'ziga xos xususiyatlari, mashg'ulotlar joyini jihozlash va sport inventarlari to'g'risida ma'lumotlar keltirilgan. II qismda taekvondo texnikasi va taktikasi, turish holati va steplardan foydalanishda ishlash texnikasi, janglarda qo'llaniladigan hujum va qarshi hujum usullari, sport anjomlaridan foydalanish mashg'ulotlar usullar kombinatsiyalari, o'z-o'zini ehtiyot qilish usullari texnikasi, taekvondo strategiyasi va taktikasi hamda taekvondo mashqlari berilgan. Mazkur darslik O'zbekiston davlat jismoniy tarbiya instituti 5610500 – Sport faoliyati (faoliyat turlari bo'yicha) “Taekwondo” ixtisosligida tahsil oluvchi talabalar uchun mo'ljallangan.