Фольклор мусиқа ўқитиш методикаси
- Author: С.Қурбонов
- Language: O'zbek tilida
- Writing: Кирилл ёзувида
- Publisher: Термиз
- Year: 2010
- Views: 43
Ҳалқ оғзаки ижоди-фольклор термини инглизча folk-ҳалқ ва lore-донолик
сўзларидан ясалган бўлиб, халқ донишмандлиги, донолиги, ҳунармандлиги,
санъаткорлиги маъноларини англатади. Қадимги илк икшилар ёзувни
билмаган замонларда ўз фикрларини оғзаки баён этганлар. Шундан уларнинг
оғзаки бадиий ижоди пайдо бўлган. У ўзига хос хусусиятларга эга бўлган сўз
санъати бўлиб, унинг барча намуналари жонли ижро жараёнидагина яшайди.
Шунинг учун сўз ва куй омухталиги устун бўлса, айримларида саҳна санъати
ҳаракатлари устун туради. Фольклор барча санъат турлари кўринишларини
ўзига мужассамлаштирган. Фольклорнинг бир талай намуналари сўз ва куй
уйғунлигида ижро этилади. Достон ва термаларни дўмбира жўрлигида куйлаш
анъанавий бўлса, қўшиқлар дутор ва доира жўрлигида, чоғучилар ансамбли
жўрлигида куйланган. Бошқа бир фольклор асарларида сўз етакчи ўринни
эгаллайди. Эртак, афсона, ривоят, лоф, нақл, латифа, топишмоқ ва мақол
жанрлари шундай характерга эга.