Дориан Грейнинг портрети
- Author: Оскар УАЙЛЬД
- Language: O'zbek tilida
- Writing: Кирилл ёзувида
- Publisher:
- Year: 2022
- Views: 87
Лорд Генри Уоттон эроний гиламлар тўшалган диван устида
ҳар доимдагидек папиросини кетма-кет тутатганича узала
тушиб ётарди. У ётган жойдан фақат бутазор кўринар, ундаги оқ
толларнинг асалдай хушбўй ва тилладай товланувчи гуллари
қуёш алангасида ял-ял ёнарди, силкиниб турган шохлар эса бу
залворли ялтироқ гўзалликни зўрға кўтариб тургандай
туюларди; аҳён-аҳёнда баҳайбат деразага тутиб қўйилган узун
ипак пардалар қатларига ташқарида учиб кетаётган қушлар
ғаройиб соялар ташлаб ўтишарди.